香港薯片广告经典（乜咁啱嘅原来我们都是看这款广告长大）
香港薯片广告经典（乜咁啱嘅原来我们都是看这款广告长大）肯定系87年郑伊健版，而且呢个广告系郑伊健入行之后拍摄嘅第一个广告。边个阳光柠檬茶广告最无可替代，最深入民心？▲唔好问第二行左边嘅黄宗泽点解表情咁销魂阳光属于可口可乐公司，自1986年推出时就以「边度都有阳光」为口号。第一个版本嘅广告系梁佩玲拍嘅，以阳光与海滩为主题，一群年轻男女喺度打波嬉戏，此时就可以睇出阳光主打年轻人路线。
柠檬茶饮料，系每个广东学生嘅回忆。
最近，阳光柠檬茶喺香港地区推出怀旧版包装，将于3至6月喺市面销售。（目测只喺香港地区售卖）
比起被人吹捧为“爽过吸大麻”嘅维他柠檬茶，近几年嘅阳光柠檬茶沉寂咗好多，完全对唔住佢以前嘅辉煌。
唔好睇少呢款就卖几蚊嘅饮料，佢曾经系香港数一数二嘅造星机器，当年任何人只要接拍阳光嘅广告，都会走红。
▲唔好问第二行左边嘅黄宗泽点解表情咁销魂
阳光属于可口可乐公司，自1986年推出时就以「边度都有阳光」为口号。
第一个版本嘅广告系梁佩玲拍嘅，以阳光与海滩为主题，一群年轻男女喺度打波嬉戏，此时就可以睇出阳光主打年轻人路线。
边个阳光柠檬茶广告最无可替代，最深入民心？
肯定系87年郑伊健版，而且呢个广告系郑伊健入行之后拍摄嘅第一个广告。
该广告讲述女主角暗恋郑伊健嘅故事，追求爱情之中既有甜蜜，又带苦涩，与柠檬茶嘅味道不谋而合。由于广告大卖青春恋爱元素，一经推出就大受欢迎，成为经典。
以后大家提到柠檬茶广告，第一时间都系谂起郑伊健，亦阳光往后继续以青春爱情为主线嚟拍摄广告。
其广告曲《如果....阳光》一样脍炙人口，有传系周美茵唱，亦有人话系广告女主角Yvonne Yuen唱，至今仍然系一个谜。
最索版本：樊亦敏版
郑伊健之后嘅阳光柠檬茶广告，应该系最索嘅广告版本，因为睇完成个广告，我咩都唔记得，就记得樊亦敏惊为天人嘅容貌。
广告内容同样关于一个暗恋嘅故事，不过今次变成系男方暗恋女方。
樊亦敏系91年香港小姐嘅最上镜小姐，拍呢个广告歌时候就二十岁左右，成块面都系胶原蛋白。
呢个版本嘅广告歌系苏永康所唱，歌名为《Sol #4》，一样都好好听。
最低调版本：谭凯欣版
同之前几个版本比，呢个版本就真系冇咩激情，低调到冇咩人记得。
阳光首次喺青春爱情广告之中引入友情，呢个版本讲述咗两男一齐暗恋同一个女女仔嘅故事，最后大家维持住原有嘅友情，冇挑明心事。而女主角系酷似胡杏儿嘅谭凯欣。
最爆红版本：“乜咁啱嘅”版
好多人都会对呢个版本好熟悉，并唔系因为男女主角有几出名，而系阿句贯穿始终嘅经典台词——
乜咁啱嘅！
女生想扮偶遇心仪嘅男仔，点知一次次错过咗，最后意想不到撞返心仪男仔，由男方讲出自己一直想讲嘅对白——“乜咁啱嘅！”
当年有几多少男少女睇完呢个广告之后，都曾经幻想过自己可以经历广告入边嘅情景。
▲女主角系Theme时装连锁店太子女赖沅贞
▲男主角资料不详，但系被人话好似谢霆锋
由于呢个版本真系好红，导致后来出咗好多影视恶搞版，比如《食神》之中周星驰同钟丽缇就重现过呢个场景。
如果唔系特登搜资料，我都唔记得有呢个版本，而且呢个版本剧情都几无聊。
呢个版本就系讲一班花靓KEN无所事事，就话下一个从街口出嚟嘅人就系男主角以后嘅老婆，结果系女主角出嚟，仲要系男主角旧同学，最后女主角喺个柠檬茶包装上边留电话，暗示二人有下文。
虽然呢个叫方力申版，不过其实方力申唔系主角，就得两秒镜头（仲要系快镜），主角系下边嘅男生——
男生将表白嘅话语写喺柠檬茶上边，放喺暗恋女生每日都会坐嘅巴士座位上边，准备表白，点知今次就畀另一个女生攞到。
不过，最后都系有惊无险，成功表白，成个广告颇有爱情轻喜剧嘅风格。
阳光柠檬茶历代广告之中，点击量最高嘅唔系郑伊健版，唔系“乜咁啱嘅”版，而系张柏芝同黄宗泽拍嘅版本。
可能大部分人都系因为当年张柏芝嘅盛世美颜——
▲求其截下图都靓到爆
故事发生喺学校游泳队，主角系两男一女，主要都系身为啦啦队同助理嘅张柏芝，同游最后一棒嘅泳将黄宗泽嘅心理描写，故事本身已经大大淡化爱情，反而着重于对梦想嘅追求同友情嘅刻画。
呢个广告出街之后，张柏芝就被大小杂志、电影公司寻求合作，被周星驰发掘，所以就有后来《喜剧之王》嘅柳飘飘，而黄宗泽都因此喺第二年加入无线，踏上演员之路。
最什锦版本：何思谚版
何思谚版系阳光2010年推出嘅广告，女主角Leanne 何思谚，由香港网民公投出嚟。
呢个版本照旧系两个女生暗恋一个男生嘅陈年故事，而由于自己好朋友同男主比较亲近，令到女主角呷醋，不过最后大家都系和好如初。
▲比起之前啲女主，呢两个女主角稍微差强人意
呢个版本齐集咗以往几个版本嘅经典元素，从相遇、错摸到整亲脚嘅老土剧情，加上由冯曦妤翻唱嘅《如果…阳光》，好明显就系复刻旧版。
个人感觉，成个广告就好似系一份“杂扒”，咩都有，但系咩都唔系最好，已经失去咗前作嘅风采。
“边度都有阳光”，唔经唔觉，呢句话已经陪伴咗我哋咁多年，咁你心目中，最经典嘅阳光广告就系边个？
素材出自苹果日报、香港01、够POP等
羊城网负责整理编辑
