十大难懂方言上海话：閒话上海方言之
十大难懂方言上海话：閒话上海方言之“一塌刮子”来源跟出处是迭能样子格，勒拉老底子、勒拉“奉帮裁缝”技艺当中，勒拉裁缝板上总归是要有得一小碟糨糊。只因勒拉掰搿辰光做衣裳，领口跟袖口呃褶皱处，要事先先用糨糊粘牢以后再好去缝针呃。所谓呃“刮子”就是涂抹糨糊用呃“木片”，又被称之为“刮浆刀”。“塌”就是“涂抹”呃意思，所以应该当做为动词来用呃。当碟子里向糨糊快要用尽呃辰光，只能够去“一刮子”时，裁缝会得对徒弟哇啦哇啦叫喊道：“侬只小鬼，豪扫去调调糨糊，把浆糊调调好啊，糨糊就快全部用光唔得喽，迭眼浆糊只够一塌刮子了！”勒拉中华民国时期、勒拉上海滩哴向，“奉帮裁缝”依靠精致跟精湛呃手工缝纫技艺，加之伊拉又会得创新翻花头，紧跟着掰搿辰光世界流行趋势走，洋为中用中西合璧，赢得了南来北往国人呃好口碑。勒拉掰搿辰光，但凡是屋里向拣铜钿有得钞票呃人家，是会得隔三差五到“奉帮裁缝”店里向，去定做几件掰搿辰光交关时髦呃衣裳，伊拉还狭气吃苦耐劳，碰着
题记：上海为啥是一座海纳百川呃城市呢？！只因为伊勒拉1843年11月17日依据《南京条约》跟《五口通商章程》呃规定开埠了，是中国沿海城市最早开埠呃城市之一，与此同时也是中外文化相互碰撞、相互交流与相互融合最早呃城市之一，伊格方言閒话也是有着狭气明显特点跟特征。有些所谓呃最最正宗呃上海方言閒话（土语）当中，还有覅少是属于外来语言哩，迭些外来语言还包含了外语及其他地区呃方言閒话（土语），上海人所讲呃方言閒话（土语）当中，勒拉外语语种当中，主要还是以英语语词为主，伊格方言閒话（土语）经过长期不断呃发展与演变，从而形成了自成一体呃特点与特征……
譬方讲：有一句上海话叫做“上海閒话”，伊格意思翻译成普通话就是讲“上海呃方言土语”，有得交交关关多呃上海人，写到“上海閒话”迭四个字时，欢喜把“閒”字写成“闲”跟“言”字，笔者勒拉老里八早呃辰光，也同样会随大流，跟着大家一道迭能去写。大家只要认为是正宗呃上海人都可以去写、去看呃，只要看得懂意思能够领会就可以了，覅必要太过于去认真跟较真啊。实际哴向是被狭气多呃上海人以讹传讹了，最最正确呃写法就是——写成“閒”字，勒拉“上海閒话”当中，伊格读音“闲”、“言”几乎是一色似样呃，只有“閒”字才代表着“方言”呃意思，然而“闲”跟“言”字根本就呒得“方言”呃意思，覅是代表“方言”呃意思。今朝仔笔者就要去拿伊改正过来，凡涉及到“上海閒话”迭四个字时，再也覅能像老底子一样去写“闲”跟“言”字了，要把错误写法去改过来、去写正确了！
还有就是，每一嗰词语都有的伊嗰出处，“閒话”一词最最早是出自于元朝时期，元朝时期呃戏剧作家关汉卿写有《救风尘》一书，勒拉第三摺中写到：“喒閒口论閒话，这好人家好举止，恶人家恶家法。”同样是元朝时期呃戏曲作家武汉臣写有《老生儿》一书，勒拉第三摺中写到：“喒閒口论閒话，我问你咱，如今我姓什么？”
上述三段文字是讲关于最最正确呃上海閒话是哪能去写，又是哪能去讲呃。现在就去言归正传了，下面笔者就要来讲一讲，勒拉普通閒话当中，有得两组词意思跟含义是一色似样呃，迭嗰两组词语分别就是“总共”跟“一共”。但必过，到了上海閒话运用当中，就会的演变成四组词汇，有的四种讲法，伊拉呃意思跟含义全部都是表示“总共”跟“一共”，迭嗰四组词汇分别就是：“一塌刮子”（读音为：yī tāguāzi）、“拢（攏）共”（读音为：lǒng gòng）、“夯不啷当”（读音为：hangbulangdang）、“角落山姆”（读音为：jiaoluoshanmu）。
本人是迭能样子来认为呃，每一嗰地域呃方言文化跟方言土语，必定是有得伊格来源跟出处呃，所以覅管是勒拉讲各类方言土语，还是去用中华文字拿伊写出来，运用跟书写一定要合理、恰当、规范与正确，绝对不可以含含糊糊马马虎虎大约摸着带带过去好了，因为有一句老话讲得交关好啊，是迭能来曰道呃：“差之毫厘失之千里！”哪怕就是仅仅相差一嗰字，伊格来源跟意思，就会得完完全全变样、变忒了，不单单会得产生生成出另外一种解释、讲法、歧义跟疑问，还会得让人丈二和尚摸不着头脑，是否是正确呃写法与讲法啊？！
本人虽然是生勒拉上海滩、长勒拉上海滩哴向呃，工作也勒拉上海滩，未曾离开过自家呃家乡，【备注：外出旅游是不覅好算数呃。】可以讲是属于“土生土长”呃上海人，但是血液里向还流淌着20％呃宁波血统，只因为家母呃血液里向流淌着50％呃宁波血统，有祖上是从宁波逃难到上海来讨生活呃。所以笔者晓得“一塌刮子”是一句“滴滴刮刮”、“直骨挺硬”呃宁波方言，是从宁波流传到上海滩呃，久而久之辰光一长，反而就成了一句上海閒话，就连得“滴滴刮刮”跟“直骨挺硬”也同样是一句宁波方言，还因为勒拉中华民国时期，由于是战争呃原因，从而造成了逃难到上海滩哴向呃宁波人变得交关多，因此把宁波閒话带到了上海，讲得辰光一长，也变成了上海閒话。
勒拉中华民国时期、勒拉宁波地区有得三种人，第一种是跑船出海呃船夫；第贰种就是做各类生意大小宁波老板；第三种就是宁波奉化地区裁缝师傅，伊拉被称之为“红帮裁缝”，因为“奉”字呃读音跟“红”字极其相近，到了上海滩哴向以后，“奉帮裁缝”迭四个字，久而久之就演变成了“红帮裁缝”，最正确叫法应为“奉帮裁缝”。
勒拉中华民国时期、勒拉上海滩哴向，“奉帮裁缝”依靠精致跟精湛呃手工缝纫技艺，加之伊拉又会得创新翻花头，紧跟着掰搿辰光世界流行趋势走，洋为中用中西合璧，赢得了南来北往国人呃好口碑。勒拉掰搿辰光，但凡是屋里向拣铜钿有得钞票呃人家，是会得隔三差五到“奉帮裁缝”店里向，去定做几件掰搿辰光交关时髦呃衣裳，伊拉还狭气吃苦耐劳，碰着交关大呃大客户，还会得上门去服务，就连得某些外国人也看中了伊拉格技艺，也会得去定做几件衣裳哦！
“一塌刮子”来源跟出处是迭能样子格，勒拉老底子、勒拉“奉帮裁缝”技艺当中，勒拉裁缝板上总归是要有得一小碟糨糊。只因勒拉掰搿辰光做衣裳，领口跟袖口呃褶皱处，要事先先用糨糊粘牢以后再好去缝针呃。所谓呃“刮子”就是涂抹糨糊用呃“木片”，又被称之为“刮浆刀”。“塌”就是“涂抹”呃意思，所以应该当做为动词来用呃。当碟子里向糨糊快要用尽呃辰光，只能够去“一刮子”时，裁缝会得对徒弟哇啦哇啦叫喊道：“侬只小鬼，豪扫去调调糨糊，把浆糊调调好啊，糨糊就快全部用光唔得喽，迭眼浆糊只够一塌刮子了！”
还有就是，“一塌刮子”呃“塌”字还可以写成“搨”字，若是写成了“搨”字也是对呃呒错误呃，是表明了裁缝师傅做呃动作。
除忒宁波人欢喜去讲“一塌刮子”迭句方言閒话之外，宁波人还欢喜去讲“拢（攏）共”，“拢（攏）共”同样是指“总共”和“一共”。譬方讲，突然间屋里厢来了七八嗰客人，屋里只剩两块点心桃酥饼，宁波人就会的开口去讲：“一拢（攏）共就嗰么格两块点心桃酥饼，来了七八嗰人客，侬叫吾咋拢拢来，侬叫吾咋办办来！”
现代京剧《沙家浜》，第四场智斗当中，胡传魁就开口唱到：“想当初老子的队伍才开张，拢共才有十几个人，七八条枪。”……
笔者查阅到呃历史资料中显示，“拢（攏）共”迭嗰词语，既覅单单是江浙沪一带呃人会的去使用，也覅是江浙沪人独有呃专利，就连的陕西洛阳人也会的去使用，勒拉洛阳方言閒话当中，“拢（攏）共”呃意思就是讲：“统共共满同满”，洛阳人经常会的讲：“拢共才几个人，能干下来吗？”福建地区呃闽南语閒话、江西赣语方言閒话当中，同样也会的去是用“拢（攏）共”迭嗰词语语汇哦……
“夯不啷当”迭四个字最最早出自于清朝末期的作家张春帆之手，是伊率先使用呃。伊格别名为:名炎，又别署漱六山房，出生于清代末期，具体年月跟日期不详，出生地勒拉：江苏常州，卒于1935年。著作有《九尾龟》、《宦海》、《黑狱》、《新果报录》等长篇小说。其中的一篇著作《九尾鱼》被文学家、思想家胡适称之为“嫖界指南”。
张春帆在其小说《九尾鱼》第六十四回中曰道：“倪当仔耐啥格事体实梗格发极，一塌刮子少仔几百洋钱，也用勿着实梗样式啘。”
中国现代著名作家、文学评论家沈彦冰，笔名为“茅盾”，著有小说《多角关系》一书，他在《多角关系》五中写下了这样一段文字，曰道：“尽管你昨天朝人家磕头跪拜求过，——拉过交情，得过好处，今天轮到人来求你了，就要把昨天的事情忘记得一塌刮子精光！”
“角落山姆”一词中的“山姆”两嗰字，既覅是指一嗰外国人呃名字，也覅是指叔叔之类呃长辈，而是各嗰地方来到上海滩哴向呃中国人，为了要跟世界接轨，学习一眼洋派，从而就能显得自家有腔调懂得交关多，加之英语是世界通用语言，更为了能便于跟外国人交流交流，就去学了覅少洋泾浜英语，只要是大致意思对了、外国人能够听得懂就可以了。勒拉中华民国时期“角落山姆”迭四嗰字，只不过勒拉上海滩哴向“英租界”、“法租界”跟“公共租界”慢慢开始流行起来呃，后来就被推而广之，只要是上海滩哴向呃人，都会得去讲一讲，就连得角角落落里向上海人，辰光一长也晓得了迭句閒话。
勒拉掰搿辰光，伊拉是采用啥呃办法呢？！就是先根据英语语音呃读法，勒拉大多数情况下头，去寻找、采用各嗰地方方言土语读音跟英语相近呃词语组合而成呃，勒拉掰搿辰光是一种新式读法，覅大正宗有一眼洋泾浜。“角落山姆”一词就是来源于英语“whole sum”的音译。英语单词“whole”翻译成为中文，伊所要指呃意思就是讲“整嗰”跟“全部”；英语单词“sum”翻译成为中文，伊格单单意思就是讲“加起来算”呃意思，迭两嗰词语拼了一道，就是指“总共”。
【备注：①文章为作者原创；②各类贺友直漫画和各类文字动图图片均来源于网络上；③感谢原创图片。】
杜老倌侠客居（陆伟）写于2019年07月24日星期三晚上
