谢安琪摆烂版（谢安琪还想拍续集）

谢安琪摆烂版（谢安琪还想拍续集）更多精彩八卦内容，请关注东方Sunday

昨晚无线剧《僵》大结局，女主角谢安琪(Kay)就约咗一大班fans齐齐食饭兼睇大结局，今次系阿Kay第一次拍剧集，虽然起初被狠批扮可爱兼演技浮夸，不过随剧情发展，角色渐为观众所喜欢，阿Kay呢刻应该放下心头大石！

席间阿Kay大呻拍《僵》真系好辛苦，不过同时俾到好大信心自己，因为拍剧咁辛苦都捱得过，以后就再冇嘢可以难到佢；另外佢虽然唔知几时先可以再见到大家，但都希望大家将来可以给予更多祝福及正能量！

阿Kay依家狂呻辛苦，不过相信大家都见到佢喺《僵》入面几乎每一个镜头都系着住超高高高踭鞋示人，爱靓唔爱命，会唔会系佢拍剧更辛苦的主因呢？

阿Kay其后接受访问时，开到口话心郁郁想拍《僵》续集！不过就话年纪渐大，唔知仲有冇呢个魄力。佢话剧集播出初期承受唔少压力，不过后来大家都钟意「蓝梦南」呢个角色，令佢好有满足感，有机会都想可以再拍。唔知大家又想唔想睇续集呢？

更多精彩八卦内容，请关注东方Sunday