dl凡人的意志（凡人演出 超人意志 不完美中的完美）
dl凡人的意志（凡人演出 超人意志 不完美中的完美）自从有咗信仰，除咗搣甩极臭脾气，Sammi另一个明显转变，就系方方面面都好似散发住一股正能量，佢嘅歌就尤其明显，好似《FABULOUS》，「We make it fabulous…We gonna make it fabulous」前前后后唱成廿几三十次，兜口兜面鼓励大家，人人都可以做得更多、做得更好，而在交代病况之后，佢都同样承诺大家：「同以前一样，无论点样都好，我会做到最好，有几多做几多！」无论系发型、化妆、服饰、舞台、灯光，以至演唱会最重要嘅部分——歌曲，今次都同上次有好大分別，由选曲、编曲到Rundown，基本上八成以上都系新嘅；例如一开场，第一首已经系新歌《FABULOUS》：「新开始，忙着我要维持有个性的事；別呆住，离群是洩气人群最正确医治」。身为基督徒的Sammi其中一幕以天使look现身。世界巡回尾站 TOUCH MI 2并非翻炒制作讲番个演唱会，今次其实系2014年「TO
近年要在香港成功买到演唱会飞，难度之高，可能仅次于上车买楼，其中有几位歌手更加系特別难，本地代表有陈奕迅、外地嘅有五月天同周杰伦，至于女歌手，近年难买之最，如无意外一定系郑秀文（Sammi）。
千呼万唤之下，Sammi嘅世界巡回演唱会「TOUCH MI 2」前晚正式开锣，场内当然针都插唔入，场外甚至有人即场重金收飞，至于演唱会本身，四个字：「惨」不忍睹，可能系历史上第一个完全唔想睇Encore嘅演唱会。
喉咙发炎 自嘲走音歌后
稍为留意娱乐新闻，都可能会知道Sammi一开场已经声沙沙。唔系一般开骚初段未开到声，之后慢慢渐入佳境嘅声沙沙，而系连讲嘢都疯狂走音，全晚好多歌、好多音，基本上都唱唔到、上唔到，见到明明好似唱紧，实际上又未必听到，事关佢开骚前突然发病，咳得极之厉害，喉咙都发晒炎。
身为基督徒的Sammi其中一幕以天使look现身。
世界巡回尾站 TOUCH MI 2并非翻炒制作
讲番个演唱会，今次其实系2014年「TOUCH MI」世界巡回嘅尾站，Sammi自己讲，自己去过好多唔同地方开骚，始终好想返黎香港做最后一站，咁点解明明系同一个世界巡回，今次个名又加个「2」，变成「TOUCH MI 2」？原因系佢唔想只系照做一个同上次一模一样嘅演唱会，于是决定要做一个新嘅制作。
无论系发型、化妆、服饰、舞台、灯光，以至演唱会最重要嘅部分——歌曲，今次都同上次有好大分別，由选曲、编曲到Rundown，基本上八成以上都系新嘅；例如一开场，第一首已经系新歌《FABULOUS》：「新开始，忙着我要维持有个性的事；別呆住，离群是洩气人群最正确医治」。
自从有咗信仰，除咗搣甩极臭脾气，Sammi另一个明显转变，就系方方面面都好似散发住一股正能量，佢嘅歌就尤其明显，好似《FABULOUS》，「We make it fabulous…We gonna make it fabulous」前前后后唱成廿几三十次，兜口兜面鼓励大家，人人都可以做得更多、做得更好，而在交代病况之后，佢都同样承诺大家：「同以前一样，无论点样都好，我会做到最好，有几多做几多！」
Sammi劲歌热舞，与男Dancer有贴身演出！
嘉宾萧煌奇 感受到Sammi的美丽
讲得出，果然做得到，一开场头两Part，7首歌入面，6首都系快歌，劲歌热舞少不免，当时都抹一抹汗，即刻问问身边朋友：「哗，一开场就咁尽，一阵仲唱唔唱到落去呢……」，其中第二Part主要关于两性议题，上一次演唱会都有，不过正如上面所讲，已经转咗新歌、排过新舞，虽然声音沙哑，不过丝毫无损佢嘅压台感。
呢边都未担心完，嗰边已经出「意外」——第一个嘉宾出场，咁早？即刻听到隔离观众静鸡鸡话：「自己唱唔到，多几个嘉宾唱多几首都ok嘅」，Sammi之后话之前听到一首好锺意嘅歌，明查暗访搵到幕后嘅创作人，而佢就系《没那么简单》嘅台湾作曲人萧煌奇，其实今次都唔系Sammi第一次在演唱会唱自己好欣赏嘅別人的歌，上一次就有林奕匡嘅《高山低谷》。
台湾歌手萧煌奇特地来港做嘉宾。
一如所有嘉宾环节，Sammi先同萧煌奇在台上闲聊咗一阵，当时佢都已经近乎烂声，萧煌奇讲咗一句「Sammi姐你好美丽」，须知道萧煌奇本身系失明人士，佢嘅「美丽」唔会系话Sammi嘅外貌同造型，而佢之后都话自己系「感受到」，原本可能只系寻常不过嘅一番寒暄，当时就唔觉意触动咗自己嘅无限联想：「带住病都照坚持，失埋声都无Hea做，呢种自我燃烧，其实都真系好美丽。」
全场大合唱 化身和音支持
The Show Must Go On，Sammi之后继续唱、继续跳，中间不时自嘲，例如话之前好多人问佢到底「TOUCH MI」同「TOUCH MI 2」有咩唔同，佢就笑住话今晚系会Keep住走音，对上一次都唔系咁；笑当然可以讲，但系表面嘅欢乐，既纾缓唔到喉咙嘅痛，亦遮掩唔到内心嘅苦，每次唱到真系唱唔到，Sammi都系眉头猛皱，用尽力揸实拳头同挥臂，睇到大家都戥佢好痛苦。
「如何掉眼泪，欲哭找不到根据，这爱情没你准许，笑我没有这资格，別为你心碎」，唔记得由边一首歌开始，全场观众一齐大声合唱，大家都化身做Sammi嘅和音，陪佢行埋呢段艰难嘅路，「原来上次哭，哭不出眼泪，感情不进则退，感激我们成熟了，应知道流泪有罪，承受任何是非都能捱下去，我都想假装只得一岁，为你当街的出走也说得过去」。
演唱会至此真系「情感会更加真挚，连呼吸也不可以」（《最后一次》），Sammi更加系「犹如堤缺后没法停止」（《最后一次》），由《心血来潮》嘅「你当我那夜突然正陷入最低潮，应该笑而没法笑，才想对你哭一秒」，到《默契》嘅「由始至终，只有你一位，难以代替，爱得多仔细」，一首又一首嘅首本名曲，就算歌者唱唔到上喉咙，听众都已经听咗入心坎。
一路听，一路听，期间有同身边朋友讲笑咁讲，Sammi每唱完一首歌，大家感觉都好似见证咗又一项壮举；直到尾声，佢唱唱下《不要惊动爱情》，或者因为身体真系非常之唔舒服，更多应该系对自己嘅失望同责备，Sammi再一次爆喊，更加多次同观众讲「对唔住」，万人和音即刻唱得更加大声，台上台下，一时充满泪水，当下赫然发现，「对唔住」三个字，原来可以咁重。
病魔搵你，大家都唔会想，大家都唔会有力阻止，或者就同Sammi开场讲嘅一样，状态好又好、状态差又好，歌者歌迷都系一齐经历、一齐分享；不能否认嘅系，「TOUCH MI 2」始终都系演唱会，唔系布道会，「唱」嘅部份系好重要，全晚瑕疵真系好多，无论你咩标准，Sammi都系唔合格嘅。
以事论事的确系咁，不过以人论人嘅话，Sammi已经搏尽无悔，就算眼前条件再差，佢都保持坚毅精神，一步一步克服困难，展现出超人嘅意志；讲到底，Sammi，大家当然好想睇到你嘅现场演出，不过其实更想睇到你健康、快乐，睇完头场真系非常痛心，记得多多休息，如果连超人意志都顶唔住，不妨勇敢咁俾自己叫一下停。
