陈奕迅李克勤现场演唱会（李克勤都自愧不如）
陈奕迅李克勤现场演唱会（李克勤都自愧不如）都摞晒自己嘅看家本领出嚟各位为咗成绩希望佢哋出尽八宝吸引评委嘅眼球只要自己撑够时长就可以晋级
最近TVB推出多档新综艺
其中就有由阿Bob、冯盈盈主持嘅
《全城一叮》
呢个节目会邀请电视城中嘅艺人上台
希望佢哋出尽八宝
吸引评委嘅眼球
只要自己撑够时长就可以晋级
各位为咗成绩
都摞晒自己嘅看家本领出嚟
唱歌、跳舞、扮嘢都难唔到佢哋
but评委团就比较严苛
等佢哋show到咁上下
就会俾人叮走
直到演员林子超嘅出现
惊艳咗大家
开始佢褛住风衣懒神秘咁出场
音乐响起就开始扭动身体
聚光灯聚焦嘅瞬间
佢脱去外套
露出一身热辣女装
keep得好好嘅身材
加上魅惑嘅舞姿
成功俘虏咗在座所有人
尽管佢嘅肢体稍微欠缺柔软
歌声亦都一般
但就凭佢反串嘅胆量&创意
呢铺俾佢晋级真係一啲都唔过分
林子超入行四、五年时间
佢嘅身影已经出现喺好多电视剧中
喺《大酱园》《深宫计》嘅表现
仲相当突出、俾人印象深刻
《大酱园》中嘅员工“包旺”
《深宫计》中太医“陈铭风”
《星空下的仁医》佢都有份出演
今次佢用心设计嘅“变装皇后”舞台
更令大家对佢印象又再深刻咗
《全城一叮》播出引发关注
大家不由自主咁谂起
十几年前风靡一时嘅《残酷一叮》
嗰时候节目係邀请素人上台嘅
冇咩舞台经验嘅人为咗搏眼球
更加係冇包袱、大尺度咁释放自己
加上评委、嘉宾嘅发言
令现场笑料百出
超自信“气球男”喺刘德华面前
“倾情”演绎本尊金曲
仲扮晒自己唔识整麦
要华仔上台帮手
有“走音哥”成首作品都不在调上
听到评委李灿森愤然离席
但又因为佢嘅搞怪惊喜
全员开启“模仿秀”模式
“爱心”人士“露点”晒身材
吓到杨千嬅“喊”出嚟
李克勤更係狂“叮”要佢离场
因为怕佢后面嘅举动唔出得街
容祖儿发掘到
可以唱《未知》嘅“接班人”
佢演唱时嘅投入程度好加分
各种各样嘅奇葩选手
係当时观众嘅快乐源泉
有人觉得睇过呢啲舞台之后
瞬间成个人都自信咗咗添
除咗奇奇怪怪嘅搞笑阵容之外
《残酷一叮》都有过黑马登场
可以一人模仿多人声线嘅冯文乐
就俾过大家好多惊喜
最经典嘅就係
佢同李克勤&陈奕迅
三人同台嘅画面
佢将克勤嘅零瑕疵震音完美复刻
又把谭校长嘅绝美声线呈现
连Eason都惊叹佢嘅能力
自己cos校长嘅时候
要用“经典动作”嚟补救声线不足
~嗱~
呢啲节目除咗娱乐大家
其实都俾咗好多有才能嘅人机会
等佢哋有舞台
可以show出自己嘅才能
机会都係留俾有准备的人嘅
如果大家都有啲了不起嘅技能
不妨多加练习
等到有机会嘅时候
摞出嚟威翻下哦
MORE
今日娱乐看点
《藏地奇兵》定档
呢部由秦岚出品嘅电影
定档10月13日
片中除咗有旷远辽阔嘅川藏风光
仲有让人肾上腺素飙升嘅动作元素
摄制组喺极限海拔之下实景拍摄
势要为大家揭开藏地秘密
钟家琪黑化进度条拉满！
《美丽战场》开播一周
蒋家旻饰演嘅“钟家琪”
牙尖嘴利、有仇必报
令观众愤怒值持续升级
陈立农喺博物馆拍MV
陈立农全新单曲《他们都不懂》
MV今日上线
今次佢变身博物馆小保安
以柏拉图《理想国》洞穴寓言为概念
将大家嘅回忆整理并珍藏在心底
资料来源：综艺截图、微博
编辑：郭玮
审核：曾敏妍
签发：骆苹
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
