巴黎富人区靠近什么森林（巴黎勿是玻璃新邨还是新村）
巴黎富人区靠近什么森林（巴黎勿是玻璃新邨还是新村）我个老同学李纲炯兄住勒巴黎新邨，疫情肆虐个当下，阿拉每日天勒海微信高头互道平安，晒晒食物，就像中学时代勒体育课浪长跑，彼此鼓励、相互帮助。纲炯兄勒尚未封闭之前拍了一眼巴黎新邨个照片，经伊授权，分享拨勒读者朋友。巴黎，Paris，无论是法文还是英文，呒没音读“o”个，拿“巴黎”读成“玻璃”，或许是当年苏锡籍居民个创造，勒勒伊拉看来，“巴”个准确读音就是“bo”，管侬大英法兰西，阿拉大家勿来去。巴黎新邨住过最“吃价”个居民，是8号里蒋介石个前妻之一陈洁如，小名叫“阿凤”。阿凤个爹爹陈鹤峰是老宁波，搭蒋介石算是同乡。但陈洁如个姆妈是苏州人，当伊讲到“巴黎”个辰光，想必也会用“玻璃”个发音。巴黎新邨4号住过傅雷，伊翻译了介许多法国名著，法语当然勿成问题，用中文讲“巴黎”个辰光，用个是南汇个乡音还是城里个上海闲话，讲“Ba”还是“Bo”，就勿得而知了。原来勒海上海话当中，简简单单个“巴”字，有三种读
今朝，黄浦区个感染数字直线下降，交关日脚以来第一次少于千数。虽然挨下来到底哪能也侪勿晓得，现在讲乐观恐怕还早着眼。但无论如何搿是个勿错个信号，拐点终于要来了。今朝阿拉讲讲啥地方呢？勿妨从南市出来，到卢湾去转转。疫情通报高头出现个一个地址：重庆南路169弄。
交关人提起卢湾总归欢喜谈当年个法租界，当年富有异国情调个地名大多数改脱了，但也有部分保留了下来。比方讲，刚刚提到个重庆南路169弄，弄堂里个巴黎新邨搭仔弄堂外朝东紧靠重庆南路，像城墙一样拿巴黎新邨保护勒海个巴黎公寓。一直叫“巴黎”，呒没变过。或许是因为名字起得好呀，巴黎，法国个首都。门口头个吕班路改成了重庆南路，隔壁个辣斐德路改成了复兴中路，背后个自忠路改成了西门路之后，又改回了自忠路……连得附近号称百年老店个春园点心店也吊过名字了，只有巴黎新邨搭仔巴黎公寓，不幸上了疫情通报，但名字是勿变个。
要讲勿变，当然有眼物事也是勒海变个。“巴黎”两个字呒没变，但“新邨”个邨字，有老长一段时间写成功村庄个“村”。49年之前当然是写成耳朵边个“邨”个，后首来，就搭交关其他新邨一样，写成功村庄个“村”了。像煞迭能一改，就轧到劳动人民个阵营当中去了，成分也变脱了。再后来，“邨”字又回来了，可能觉着村庄个“村”终究还是有眼土。其实耳朵边个“邨”是村庄个“村”个异体字，意思相同，但一雅一俗，写出来个感觉完全勿一样。但是啊，人个感觉是老重要个，勿晓得啥辰光沿马路镶了巴黎新邨四个大字，好像勒盖昭告世人自家个身价：我硬碰硬是勿折勿扣个新“邨”啊。
除脱“邨”搭仔“村”个变化，勿变个巴黎，读音浪向却是有所变化了。现在个年轻人要么勿会得讲上海闲话，即使是用上海闲话讲“巴黎”两个字，也是要拿嘴巴张得老老大“BaLi”。但是，勒笔者小辰光，甚至勿晓得搿条弄堂搭仔法国首都有啥个关系，还当是搿搭个名字是“玻璃新邨”搭仔“玻璃公寓”，老一辈个人侪是搿能读个。后来再晓得：勿是玻璃，是巴黎。
原来勒海上海话当中，简简单单个“巴”字，有三种读音。第一种搭普通话“Ba”个发音类似，属于文读。现代流行个上海话，巴黎也读成“巴黎”，除脱普通话黎是第二声，上海闲话个“黎”字发音稍微弱点，“巴”个读法是类似个。
巴西，古巴，干巴巴……等等。第二种读音bo，阴平声。组词，有巴望、巴结、嘴巴等，勿是“a”，是“o”。欢喜吃大煠蟹个朋友侪晓得阳澄湖有个巴城，读“bo”城，假使读“ba”城，难免拨懂行个朋友嘲笑侬是“巴（ba）子”了。一个极端个例子是“尾巴”，叫“Nibo”，而牛尾汤叫“NiuViTang”，勿懂上海闲话个人听了绝对会拨搞糊涂脱个。
“巴”个第三种读音类似上海闲话里个“爬”，“嘴巴下头是下巴”，一笔写勿出两个巴，但“巴”字个读音是考究个。
巴黎，Paris，无论是法文还是英文，呒没音读“o”个，拿“巴黎”读成“玻璃”，或许是当年苏锡籍居民个创造，勒勒伊拉看来，“巴”个准确读音就是“bo”，管侬大英法兰西，阿拉大家勿来去。巴黎新邨住过最“吃价”个居民，是8号里蒋介石个前妻之一陈洁如，小名叫“阿凤”。阿凤个爹爹陈鹤峰是老宁波，搭蒋介石算是同乡。但陈洁如个姆妈是苏州人，当伊讲到“巴黎”个辰光，想必也会用“玻璃”个发音。巴黎新邨4号住过傅雷，伊翻译了介许多法国名著，法语当然勿成问题，用中文讲“巴黎”个辰光，用个是南汇个乡音还是城里个上海闲话，讲“Ba”还是“Bo”，就勿得而知了。
我个老同学李纲炯兄住勒巴黎新邨，疫情肆虐个当下，阿拉每日天勒海微信高头互道平安，晒晒食物，就像中学时代勒体育课浪长跑，彼此鼓励、相互帮助。纲炯兄勒尚未封闭之前拍了一眼巴黎新邨个照片，经伊授权，分享拨勒读者朋友。
衷心祝愿感染病毒个朋友尽快转阴，恢复正常生活，所有煎熬搭仔等待中个人侪平安康健，愿世界和平。期待尽快好到真个“巴黎”去晒晒太阳、住个几日天。
