沈阳旋转火锅探店（耍完太极跳芭蕾）
沈阳旋转火锅探店（耍完太极跳芭蕾）用三个字形容就系「爽爽」如果用一个字形容「爽」两个字形容
澳门唔单只食到粤式菜
川菜火锅都不可缺少
今次为食妹要变身「辣妹子」
去麻辣火锅店打边炉
如果用一个字形容
「爽」
两个字形容
「爽爽」
用三个字形容就系
「爽爽辣」
啱啱开业嘅「爽爽辣」已经吸引到唔少钟意打边炉嘅朋友仔~睇来「四川人」唔止我一个！
对于为食妹来讲，生活不止眼前的苟且，还有火锅和火锅底料！墻上嘅壁挂都说出我嘅心声，冇咗火锅嘅世界系唔完整嘅~
打边炉嘅环境已经唔系想象中咁不拘小节，暖黄色调同卡座设计提升咗火锅店嘅品位~令到你打边炉嘅时候，都觉得自己系优雅十足嘅！
锅底、锅料各就各位，全世界准备，开渌喇！满眼红色召唤为食妹嘅胃口~蕃茄浓汤底料多到十足十，要几多个新鲜蕃茄先可以熬制出咁浓嘅汤，你估下！
最吸引为食妹嘅永远都系麻辣牛油锅底。鲜艷嘅红色勾起躁动嘅食欲，抔一勺牛油汤，顺流而下嘅全部都系诱人嘅肉香同椒香！
干辣椒、花椒、鲜椒、鲜葱等新鲜材料作为牛油锅底嘅底料，食材讲求鲜味。哩度嘅汤料一次只煮一锅，绝不多次利用，吃货们可以放心食咯~
食唔到太重口味嘅朋友仔，店家仲为你哋良心准备咗菌汤、猪骨汤嘅鲜香汤底，满足唔同口味嘅需求㖭！
至尊芭比雪花肥牛
至尊芭比雪花肥牛
你冇睇错！覆盖住雪花肥牛嘅裙摆，哩位芭比优雅旋转，翩翩起舞。
芭比裙摆系用上品嘅肥牛铺盖出来嘅，线条分明嘅雪花纹路简直鬼斧神工~肥腻适中，来到食麻辣火锅点一份，养眼又饱肚！
轻轻揭落一片雪花牛肉，肥瘦相间，薄度啱啱好！喺锅中渌过十几秒就可以开食喇！
一米雪花肥牛
果然名副其实！哩碟雪花肥牛真系有一米咁长！一字排开嘅雪花肥牛显得整齐有序，细腻可鉴嘅雪花纹理均匀延展，美不胜收！
雪花肥牛同麻辣火锅简直天作之合！嫩滑多汁嘅口感，肉质厚度适中 ~再混合特调嘅火锅底汤，幸福指数UP！
秘製麻辣牛肉
辣椒干料细心腌制后嘅麻辣牛肉，红红火火嘅外貌深得人心！渌过之后嘅麻辣牛肉显得紧实有韧劲，热辣辣嘅口味、扎扎实实嘅口感着实有料到！
经过牛油汤嘅浸润，牛肉外裹住嘅干料更加贴实，食落唔干唔燥，反而回味无穷！
串串泡椒肥牛
食火锅仲可以食「串串」？你冇听错！肥牛夹泡椒，再用竹签串起身，食住方便又快捷~老世，唔该俾廿串我！
六串肥牛完璧歸趙，篤住嘅肥牛再都唔會落鍋之後搵唔到喇！咁貼心嘅店家我要俾個LIKE！
秘製招牌爽脆毛肚
脆爽毛肚系哩度嘅头牌来嘅！一出场就震慑四方，睇到毛肚宽大嘅肩膀，为食妹个胃真系想即刻投入佢嘅怀抱之中！
爽脆毛肚仿佛就系为麻辣火锅而生~渌毛肚嘅时候，「七上八下」搞掂就落肚！
啱先仲略显生涩嘅大片毛肚，入咗滚热嘅牛油汤之后，微带辣汁，吸收咗辣汤中嘅「鲜」气，令你情陷其中！
勁脆千層肚
麻辣火锅嘅好拍档千层肚绝不能少！一串串丢入牛油锅中，三两下功夫就可以拎出来食~
层层叠叠嘅千层肚之间，夹杂辣椒嘅辣香滋味。一啖就一串，口味就得一个字，爽！
冰川鮮鵝腸
话明系冰川鲜鹅肠，睇落真系冰力十足！装住鹅肠嘅冰球碗保证适宜嘅温度，令到鹅肠嘅脆感同鲜味都原封不动~
超级容易入味嘅鹅肠入红油锅涮，「三起三落」之后就食得喇~唔使担心鹅肠嘅口感，因为冰球碗嘅「高冷」，包保你食到最尾一条肠仲系卜卜脆~
带住浓香滋味嘅黑松露邂逅鲜滑墨鱼丸，将墨鱼丸嘅鲜甜、香滑嘅LEVEL升高咗几倍！
黑松露墨魚丸
入锅前嘅墨鱼丸睇落弹实幼滑，入锅之后嘅黑松露对墨鱼丸更加痴缠，咬落去，喺墨鱼丸入边可能仲有惊喜㖭！
黑豚豬頸肉
黑豚猪颈肉细密嘅纹理，话佢系牛肉都可以以假乱真喇！虽然猪颈肉嘅纤维比起牛肉粗放，但系口感上绝对有得比~
渌过牛油汤后嘅猪颈肉仲依然如初，纹理清晰可见。入口有嚼劲，松软无筋有弹性！
蛋汁大刀肝片
磨刀霍霍向猪羊！师傅大刀挥下嘅片片猪肝，刀工可赞！薄度极致，纤维细致，肝片仲透住血色、光泽动人~
唔好忽略咗蠢蠢欲动嘅蛋黄！现在为食妹就来帮肝片做个SPA！蛋汁顺住肝片嘅纹理渗入其中，受到蛋汁滋润嘅肝片嫩滑透出淡淡香气~
睇下哩块肝片，入锅前后丝毫不差，一啲都唔缩头缩尾！
太極雙滑
系边个摆咗个八卦阵出来？睇定啲~其实佢一半系虾滑，另一半系墨鱼滑！咁趣致嘅阵容，一定要啦啦冧试一试~
咁有江湖气息嘅一碟餸，为食妹骤然觉得自己好似喺金庸爷爷嘅小说入边。咪吵住晒~我要开食练功喇！
鲜嫩嘅虾滑，入口仲可以咬到鲜虾肉㖭！墨鱼滑鲜味十足，Q弹得来又不失香甜。再加上独家牛油汤料嘅润泽，入味至极！
獨家自製蛋餃
一个个带着金黄色泽嘅手工蛋饺勾起咗家庭嘅记忆~冇谂到喺麻辣火锅店都可以食到！
纯蛋制作嘅圆形饺皮，包裹住内里馅料。蘸过带着扎实嘅蛋香，口感韧性厚道，值得一试~
地址
凼仔哥英布拉街119号
百佳花城利鸿大厦地下v铺(万宁隔离)
电话
2885-5538
营业时间
11:30-15:00
18:30-02:00
图文 | 得得
摄影 | 他说他叫修杰楷
美工 | 陈真香
