不能遗忘的粤语童谣（月光光照地堂细数正在遗失的粤语童谣）
不能遗忘的粤语童谣（月光光照地堂细数正在遗失的粤语童谣）阿爷睇牛佢上山冈。听朝阿妈要赶插秧咯，【月光光照地堂】月光光，照地堂，虾仔你乖乖瞓落床，
那些年我们唱的童谣还记得吗？
“落雨大，水浸街，阿妈担柴上街卖”
那些早已在成长中磨灭掉的集体回忆
希望还能留下一部分给你的孩子！
【月光光照地堂】
月光光，照地堂，
虾仔你乖乖瞓落床，
听朝阿妈要赶插秧咯，
阿爷睇牛佢上山冈。
虾仔你快高长大，
帮手阿爷去睇牛羊。
【月光光照地堂】
月光光，照地堂，
年卅晚，摘槟榔，
槟榔香，摘子姜，
子姜辣，买菩达，
菩达苦，买猪肚，
猪肚肥，买牛皮，
牛皮薄，买菱角，
菱角尖，买马鞭，
马鞭长，起屋梁，
屋梁高，买张刀，
刀切菜，买箩盖，
箩盖圆，买只船，
船浸底，
浸亲两个番鬼仔！
一个浮头（一个摸慈姑），
一个沉底（一个摸马蹄）。
【打开蚊帐】
打开蚊帐，
打开蚊帐，
有只蚊，
有只蚊，
快啲攞把扇嚟，
快啲攞把扇嚟，
泼走佢，
泼走佢。
打开蚊帐，
打开蚊帐，
有只猫，
有只猫，
快啲攞支竹嚟，
快啲攞支竹嚟，
吓走佢，
吓走佢。
【落雨大，水浸街】
落雨大，水浸街，
阿哥担柴上街卖，
阿嫂出街着花鞋。
花鞋花袜花腰带，
珍珠蝴蝶两边排。
排排都有十二粒，
粒粒圆亮冇疵瑕。
【大笨象，揸支枪】
大笨象，
揸支枪（臭松香），
去打仗（揸支竹仔去打仗）。
打完仗，
返嚟食碗辣椒酱，
隔篱屋企烧炮仗，
问你响唔响，
唔响升你两巴掌。
【丑丑丑】
丑丑丑，丑丑丑，
丑甩耳仔餸烧酒。
【肥婆跳舞顶第一】
一二三，三二一，
肥婆跳舞顶第一。
【氹氹转，菊花园】
氹氹转，菊花园，
炒米饼，糯米圆。
阿妈带我睇龙船。
我唔睇，睇鸡仔。
鸡仔大，捉去卖。
卖得几多钱？
卖得三百六十五个仙。
【初一人拜神】
初一人拜神，
初二人拜人，
初三是赤口，
初四人乞米，
初五初六正是年，
初七游花地，
初八八不归，
初九九头空，
初十打春去。
十一打仔回，
十二搭灯棚，
十三人开灯，
十四灯火明，
十五祈完灯，
采青走百病。
【排排坐，食粉果】
排排坐，食粉果，
猪拉柴，狗烧火，
猫儿担凳姑婆坐，
坐烂个屎窟唔好赖我，
赖翻隔篱个二叔婆。
【卖懒】
(一)
卖懒，卖懒，
卖到年卅晚，
人懒我唔懒。
(二)
卖懒，卖懒，卖到年卅晚；
卖穷，卖穷，卖畀猪婆龙；
卖衰，卖衰，卖畀大头龟。
【又喊又笑】
又喊又笑，
乌蝇打醮，
蠄蟧濑尿，
老鼠行桥，
行到西门口，
畀人打啰柚。
【卖羊卖咩】
卖羊卖咩，
卖到老鼠担遮。
狗仔忙住去拉蛇，
蛇摆尾，似风车，
风车氹氹转，
番鬼扒龙船。
扒得快，好世界，
扒得摩，无鼻哥。
【我有几文鸡】
我有几文鸡，
过年买只鸡。
只鸡好好食，
夹畀阿妈食。
阿妈话我乖，
带我行花街。
【食嘢唔做嘢】
食嘢唔做嘢，
做嘢打烂嘢。
【肥佬肥揗揗】
肥佬肥揗揗，
买舊猪肉去拜神，
行到半路屎窟痕，
返到屋企瓜老衬。
【拍大髀，唱山歌】
拍大髀，唱山歌。
人人都欺我冇老婆，
嘀起个心肝娶几个。
有钱娶个娇娇女，
无钱娶个痘皮婆。
痘皮婆，
食饭食得多，
屙屎屙几箩，
屙尿冲大海啰，
屙屁打铜锣。
【萝卜头】
萝卜头，点豉油，
点得多，咸过头，
点得少，淡茂茂。
【伏匿匿】
一就预备，
二就匿埋，
三就开盘，
四就嚟到，
砰到算数。
【姑丈担凳】
姑丈担凳孩儿坐，
孩儿坐落就劏鸡。
鸡会劏门前喔喔啼，
不如劏只鸭；
鸭又嫌鸭毛多，
不如劏只鹅；
鹅又嫌鹅颈长，
不如劏只羊；
羊又嫌羊脚叉，
不如劏只马；
马会送君出埗头，
不如劏只牛；
牛会耕田养人口，
不如劏只狗；
狗会东西方有人嚟都知，
不如劏只大猫儿；
猫儿又会捉老鼠，
不如劏只大肥猪；
肥猪会食主人三斗禄，
主人食佢三舊肥猪肉。
【点指兵兵】
点指兵兵，
点着谁人做大兵，
点指贼贼，
点着谁人做大贼。
【猜呈寻】
呈寻剪，呈寻包，
呈寻糯米叉烧包。
老鼠唔食炸药包，
执到粮票买面包。
【点虫虫】
点虫虫
虫虫飞。
飞到荔枝基。
荔枝熟，
摘满屋，
屋满红，
伴住个细蚊公。
【河边有只羊】
河边有只羊，
羊边有只象，
象边有只马骝仔，
好似你咁样。
【猪婆婆】
猪婆婆，
卖菠萝，
卖畀地主做老婆。
地主唔要佢，
一脚将佢踢落河。
执翻上嚟晕酡酡。
【攋尿虾】
攋尿虾，
煲冬瓜，
煮唔熟，
赖亚妈。
