王浩信陈自瑶离了吗（王浩信因陈自瑶）
王浩信陈自瑶离了吗（王浩信因陈自瑶）两人其实分开咁长时间好支持老公仔北上发展之外留翻老婆仔陈自瑶独自一人喺香港打拼Yoyo除咗公开讲过一下
旧年年底
王浩信就同高海宁、张振朗
佢哋几个一起
跟王祖蓝翻咗内地参加综艺
留翻老婆仔陈自瑶
独自一人喺香港打拼
Yoyo除咗公开讲过一下
好支持老公仔北上发展之外
两人其实分开咁长时间
都冇乜过多互动
老公北上务工
陈自瑶就认真投入自己嘅剧本
同“前夫”罗子溢搭档拍戏
听闻仲有出道以嚟
最大胆嘅戏份添
喺上周啱播完嘅《回归光影颂》入面
Yoyo就有份主演其中一个单元
饰演乒乓球手嘅佢都几有睇头噶
唔少观众都为佢点like
相反王浩信喺内地嘅综艺
就水花一般
揾佢哋扮“春田花花”“神鸡雕侠侣”
搞笑不足、话致敬经典又唔够味道
实在令人有啲失望无语
唔好怀疑……其中一朵“花”就係王浩信
不过睇得出
佢都有认真对待每part工作
再无稽嘅剧情安排都有用心对戏
係个有责任心嘅过气视帝
唔好怀疑……呢只鸡雕真係王浩信嚟噶
上个星期
咁啱就係王浩信嘅39岁生日
喺内地嘅工作行程紧凑
佢就忙里偷闲
趁收工先同啲同事玩个短视频
戴个皇冠“仪式感”一下
有网友就注意到
呢个小视频嘅垫底音乐
係张国荣嘅《无心睡眠》
大家都思疑
王浩信係同Yoyo分开得太耐
借生日嚟寄情于歌
暗喻自己挂住屋企挂到“无心睡眠”
唔少人仲喺社交平台留言
祝佢生日快乐嘅同时
仲话好期待睇到
佢可以同老婆仔合体拍嘢添
但两位当事人
对呢个提议反而毫无回应
Yoyo唔知係咪实在太忙
甚至连祝福都冇留一句
虽然王浩信就身在内地
但佢早前同余香凝合作嘅
励志电影《心里美》就准备上画了
最近正在冲刺做宣传
喺呢部电影里面
王浩信会饰演一个
补习社嘅天王级导师
同饰演学校教师嘅余香凝
从误会到相知
片中贯穿爱情、亲情、师生情
等等情愫
为剧情需要
王浩信仲影咗好多“天王海报”
做成各种广告灯箱
帮自己打造“补习天王”嘅形象
因为剧中嘅人设好受欢迎
补习班啲学生仲会
用荧光棒为佢打call添
究竟王浩信饰演嘅
呢位“金牌导师”係助人金榜题名
定係误人子弟
咁就要睇咗正片先知啦
目前电影就会先喺香港上映
大家觉得
Yoyo会唔会去捧老公场咧
MORE
今日娱乐看点
运动员开talk show
《怎么办脱口秀专场》
将举办体育专场
邀请黄健翔、马君、
福原爱、高亭宇登台
为大家爆料体坛趣事
《追赶春天的人》发布
电影《我们的样子像极了爱情》嘅
片尾曲《追赶春天的人》今日发布
周深将献唱该片全部歌曲
佢好似唱完一整部爱情电影
范丞丞假发甩色
最近“染”咗红色头发嘅范丞丞
节目休息期间擦汗
发现自己个“假发”甩色
表情搞笑
丞丞嘅头发唔係第一次甩色啦
发型师可唔可以帮帮佢
信息来源：剧照、海报、微博
网络信息综合整理
编辑：郭玮
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
