上海本地方言逗大家开心一下（海派方言集萃第101集）
上海本地方言逗大家开心一下（海派方言集萃第101集）例句：今遭子额早朗厢，小赵脱我讲，罗工，侬中朗厢有空伐，我讲做啥，小赵讲，阿拉格搭附近，开了一家蟹宴馆，蛮有特色额，我已经去切过一趟，蛮赞额，是两大类，有河蟹、大闸蟹，有海蟹、膏蟹、梭子蟹、帝皇蟹、肉蟹、大青蟹等等海蟹，一蟹多切，有用蟹粉做埃小笼包，水煮大闸蟹，蟹肉做额海鲜粥，蟹肉刺身，蟹粉海鲜羹，烤大海蟹钳，蒸海蟹，勒勒格埃末事里，属蟹粉小笼包，蒸海蟹，原汁原味额，蟹粉海鲜羹，蟹肉刺身、帝皇蟹的蟹肉做埃，格额几样米道赞勒唔得了，我讲，是伐，真有噶好切，小赵讲，罗工，我唔会骗侬额，只因为我自家阿是额切货，阿想尝尝鲜，于是我讲好额，晨光定勒明遭子中朗厢好伐，小赵讲，呒问题，我接着讲，我唔想以大欺小，明遭子侬请客，我买单，否则我唔会去额，侬看哪能，小赵讲好伐，罗工侬忒客气了，我讲格唔过是小开司一碟，算唔上啥额，哈哈。4.掼派头：有钱摆阔。例句：唔要再起花头嘞，实实在在额去做一埃事体伐，真额，做
沪语头字篇续集
1.掼（guai)浪头：大言不惭。
例句：侬额底牌，周围额宁赞晓得了清清爽爽，唔要再掼浪头嘞，一旦被宁说穿了，侬觉得难为情伐。
2.起花头：别出心裁。
例句：唔要再起花头嘞，实实在在额去做一埃事体伐，真额，做宁还是实在的好，唔要老是想要走啥额捷径，熟能生巧，记牢格句闲话就可以了。
3.收骨头：严加管束。
例句：小敏，侬又勒勒外头惹(za)事体了得伐，小敏讲，我呒（没有）啊，我讲我会得去调查额，希望侬从现在开始唔要再勒勒外头乱窜，惹(za)事体了 弄得大家赞唔开心，到晨光呒办法收场，格能额话，等了隑，我会收侬骨头额，之后啥地方侬阿唔要想去了，好好较勒勒单位里反思伐，侬唔要后悔啊，噢，罗老师，我晓得我错了，请侬再拔我一个机会伐，是伐，侬晓得改了，我就相信侬格一趟，格两天侬先帮着一线做埃后勤工作，看侬表现，以观后效。
4.掼派头：有钱摆阔。
例句：今遭子额早朗厢，小赵脱我讲，罗工，侬中朗厢有空伐，我讲做啥，小赵讲，阿拉格搭附近，开了一家蟹宴馆，蛮有特色额，我已经去切过一趟，蛮赞额，是两大类，有河蟹、大闸蟹，有海蟹、膏蟹、梭子蟹、帝皇蟹、肉蟹、大青蟹等等海蟹，一蟹多切，有用蟹粉做埃小笼包，水煮大闸蟹，蟹肉做额海鲜粥，蟹肉刺身，蟹粉海鲜羹，烤大海蟹钳，蒸海蟹，勒勒格埃末事里，属蟹粉小笼包，蒸海蟹，原汁原味额，蟹粉海鲜羹，蟹肉刺身、帝皇蟹的蟹肉做埃，格额几样米道赞勒唔得了，我讲，是伐，真有噶好切，小赵讲，罗工，我唔会骗侬额，只因为我自家阿是额切货，阿想尝尝鲜，于是我讲好额，晨光定勒明遭子中朗厢好伐，小赵讲，呒问题，我接着讲，我唔想以大欺小，明遭子侬请客，我买单，否则我唔会去额，侬看哪能，小赵讲好伐，罗工侬忒客气了，我讲格唔过是小开司一碟，算唔上啥额，哈哈。
5.扳叉头：吹毛求疵，找茬。
例句：小周，我晓得侬是复旦大学额高材生，勒勒单位里额晨光，拿相关的分析工作做得既好又高效，我要表扬侬额，我阿晓得侬自学了日语，日语阿讲得相当好，咦，罗工，侬哪能阿晓得啊，我讲小鬼头，有趟子是我带队去一家日式料理店验收环保设施，侬唔是阿去额吗，我看到侬脱之料理店额日本女店长用日语交谈额，格日文是讲得来流利勒不得了，侬蛮来塞额，但侬勒勒外头只管自家与宁攀谈，尤其是跟漂亮小姑娘攀谈，顶多做做记录，却让我一个老崩瓜拿了仪器，跑东跑西额，格唔大像样额啊，罗工，侬格是板我叉头，我讲我唔是勒勒板叉头，侬年纪轻轻，长得长一迈大一迈，只想切，做轻松生活，就是唔想动手，宁宁赞像侬格能样子，赞想轻松，大家赞唔想做生活，乃遭子单位变成养老院了，好白相伐，再讲适当做埃体力生活，格譬如是勒勒锻炼，对侬只有好处，呒坏处额，侬噶胖，我看侬180斤阿唔止，唔动动，不来塞了，连勒勒中学里读书额小姑娘都晓得要减肥，减肥，侬唔减肥，以后交关毛病赞会出来，到格额晨光，侬再后悔阿来勿急了啊，嗯嗯，看来我是应该动动额，小周，罗工唔会让侬切药额啊（让你吃亏、让你上当的）。
6.借因头：找借口，巧立名目。
例句：我晓得现在有交关效益比较好额公营单位，钞票赚得了麦克麦克（麦捞捞、很多），但因为现在上面有政策，唔好乱发钞票，于是一埃领导借因头，借各种因头，诸如搞一埃活动，办什么比赛，甚至是勒勒规定时间内，打了第三针疫苗，阿可以发唔少钞票，对口地方帮困，阿可以发发几百元土特产，大家皆大欢喜，哈哈哈。
7.翻行头：漂亮时髦。
例句：喔唷，小黄，又翻行头勒啊，格一身皮子，穿了侬身朗厢，赞额。
8.呒轻头，不明事理。
例句：格额宁讲闲话，一埃阿呒轻头额，想哪能讲就哪能讲，真是唔像闲话额。
9.吊鲜头：菜肴烹调。
例句：因为夜里睏得晚，所以第二天起床阿晚，要捱（ya)到中朗厢额，翻翻冰箱有埃隔夜菜，唔感兴趣，看到还有埃鸡蛋、青菜、火腿肠，嗯，还有埃快餐面、水饺、鸡蛋挂面，想想水饺与快餐面我阿是切厌脱了，因为我是一个南方宁，平时欢喜切埃混沌，切埃汤团，尤其是鸽蛋圆子（宁波汤团），格拔末事今遭子赞呒，因为疫情结棍，出去还要戴口罩，烦阿烦死脱了，索性啥地方阿唔去，就拿埃鸡蛋、鸡蛋挂面、青菜、火腿肠格几样末事来做做文章伐，有埃罪（can)过额哦，先起铁锅，待锅热后加入葵花籽油，等油冒出青烟，嗯，油熟了，随后再放入几片生姜片煎几秒，再用铲子抵着姜片在锅底擦几下（油煎东西会不粘锅底），再一一煎两个碟子蛋（荷包蛋），待煎好后混在一起，撒点葱花，为了唔切味精，却能因此吊鲜头，于是倒入半勺生抽，加埃糖，再撒埃白胡椒粉，翻上几翻，嗯 ，两只色香味俱全额碟子蛋做好了，装盘，看看阿让宁馋额，就想咬一口， 接着再将锅洗净，放入半锅子水，待水煮沸后，放入挂面，待水烧滚，加一碗冷水，最后再放入洗净后的青菜，记住，不能盖盖子，否则青菜会变黄的，呵呵，待烧滚，再加一碗冷水，再烧滚后，面及青菜都熟了，旁边一个小锅再烧点青菜蛋花汤，同步进行，用一个鸡蛋就行，一到蛋花汤烧好，将蛋汤倒入一个大碗，随后将大锅中的面条及青菜也倒入大碗中，拌拌匀，到此时菜汤面做好了，随后再放入一个荷包蛋，放入切好额火腿肠片，一碗菜汤荷包蛋火腿肠面做好了，再勒勒上头加一埃我欢喜切额盐豆，紧接着，响起一阵阵吧嗒吧嗒，吸咧索落额声音，切到一半觉得唔过念头，再捞另外一只荷包蛋，切脱，面阿夯光，切到额角头，头顶心冒汗，眼睛湿润，哎，格额感觉忒赞了。
10.烂笔头，随时笔录。
例句：今遭下半天，小周脱我讲，罗工，今中朗厢有重要会议，我去参加了，是关于公务执法风气整顿额会议，我讲具体讲埃啥呐，侬笔记让我看看，罗工，我呒记，我问哪能回事体啊，小周讲我记性好了唔得了，听到看到赞唔会忘记脱，我讲侬格额习惯唔大好，有句老古话，有道是好记性唔如…，小周打断我讲，罗工我晓得额，是好记性唔如烂笔头，我讲我真想敲侬二记麻栗子，侬既然晓得为啥唔起记呐，难道侬能够把领导额发言一字唔差，全部记下来吗，小周讲我是记额中心思想，是事后记下来，我讲侬本事大额，但是如果以后碰到啥晨光，有领导要那交出会议记录，侬交唔出，难道侬要当着领导面再一一写出来吗，格就变成笑话了啊，小周听了觉得有道理，小周讲，罗工侬讲得对，我以后一定要改改我格额坏习惯，否则会坏事体额，我讲格就对了。
11.亨浪头：大腕人物。
例句：小李，侬看前头别克车后车厢走下来一个宁，罗工，哪能意思，头发墨黑，面部细嫩，饱满，鼻子丰挺，前额明显突出，剑眉稍弯，朗目有神，眼露微笑，身子直挺，西装西裤笔挺，目不斜视，走路四平八稳，不怒自威，我讲格额宁肯定是额大亨浪头，小赵讲，嗯，是额，格额宁脱之一般宁唔一样额，有腔调额，腔势侬额。
12.有蹿头：领导赏识，有提升空间。
例句：小吴到阿拉单位来上班，只不过是一年时间，格次被提拔到单位办公室主任的位置上，年纪轻轻额，三十还唔到伐，看来有蹿头了。
13.拆骨头：威胁揍人。
例句：侬屁闲话噶多，阿是骨头痒了得伐，脱我关脱，否则当心我拆侬骨头。
14.老老头：七老八十。
例句：邻居小赵脱我讲，隔开伊拉窝里厢第三只门栋的邻居及同学，周强额爷看上去蛮年轻额吗，呒一埃白头发，阿唔显臃肿，走路是一阵风，像小伙子一样，我讲格唔奇怪额，伊拉爷切末事相当考究，阿比较节制，又注重体育锻炼，散散步，打打太极拳，唔参加剧烈运动，作息时间阿想当有规律，所以唔显老，接下去我问小赵，侬晓得周强额爷几岁了伐，小赵讲我唔晓得，侬猜猜看，小赵讲，周强脱我是同学，格周强额爷，脱之阿拉爷年龄差大唔多伐，我三十五岁，我额爷六十二岁，格么我猜周强额爷阿六十几岁伐，我讲侬猜错了，告诉侬，周强额爷已经七十五岁勒，啊，小赵听了埃了埃，是伐，格我真呒猜到额，是额，周强额爷是个老老头勒，侬呒看出来伐，呵呵。
15.砌墙头：搓搓麻将。
例句：老王，侬手痒伐，啥额路道，筑方城，砌墙头啊，噢，有兴趣额，好，格侬再去喊两个搭子去，嗯，呒问题额…。
万国建筑风情
因为有特色，有米道，田子坊还是嘎闹猛。
安义小吃文化街
