美丽战场蒋家旻陈滢（美丽战场开打）
美丽战场蒋家旻陈滢（美丽战场开打）呢点争议已经好大由陈滢饰演观众对佢嘅期待值就梗係会高啲噶啦叶导作品中永远嘅“阿宝”
叶念琛执导嘅首部电视剧
《美丽战场》正式开“打”啦
作为台庆献礼嘅首部作品
云集咗TVB当红小花&热门小生
观众对佢嘅期待值
就梗係会高啲噶啦
叶导作品中永远嘅“阿宝”
由陈滢饰演
呢点争议已经好大
事关喺佢嘅前几部作品中
做作、表现力差等等形象
已经帮佢打咗一系列唔太好嘅标签
“阿宝”除咗係叶念琛嘅“女神”
更係一众琛迷嘅“女神”
善良、清纯
可能係“阿宝”嘅最诱人气质
所以当大家见到体型魁梧、
眼神妩媚嘅陈滢时
第一个反应就係“接受唔到”啰
第一集出现嘅“阿宝”
用齐刘海、T恤、帆布袋等元素
好努力咁打造自己嘅清纯形象
但穿插出现嘅“未来阿宝”
高马尾、拖尾眼线、
俾人嘅感觉又非常“陈滢”
依家部剧就啱啱开波
具体个角色后面
会演绎成点其实仲係未知之数
唔知大家对佢嘅期待值有几多
除咗“阿宝”陈滢之外
饰演佢“异父异母”阿妹
“琪琪”嘅蒋家旻
都好受到大家嘅关注
蒋家旻就曾经係
叶导钦点嘅“阿宝”嚟嘅
而且佢喺《换命真相》中
饰演“纯纯兔”欧阳家纯
形象好深入民心
大家好似已经
默认咗佢嘅单纯人设
但如果回顾佢以前嘅其他作品
不难发现
佢嘅“过去”似乎都係
名门心机女、狡猾前妻、缓交少女
等等“唔正经”嘅角色
到咗今次佢好似“重操旧业”咁
扮演好“乞人憎”嘅“坏女人”
唔单止下下同人嘈交
更时时口出狂言、四围焫火头
蒋家旻本旻已经唔止一次
喺采访中表示自己演呢个角色
日日都演到精疲力尽
因为场场戏都要闹人
无论心、身都觉得好大消耗
唔知大家觉得
清纯嘅角色啱佢多啲
定係做恶人、扮衰格嘅角色
佢会比较入戏咧
阿Moon刘佩玥每次演戏
都可以俘虏观众嘅心
今次佢一出场亦都“众望所归”
饰演“阿宝”闺蜜嘅佢
脾气爆、男仔头性格
但处处为姊妹
鬼马、活泼嘅各种小表情
被观众大赞可爱真性情
“小辣椒”人设仲好得人心添
按照剧情走向
到后期佢会同阿Bob林盛斌
饰演嘅角色行埋
喺一啲探班花絮度
就见到阿Moon街头“暴打”阿Bob
入戏得滞仲chok亲条颈添
阿Bob虽然被打
但就好体贴咁话
“打人嗰个更痛！”
但係始终有人就觉得
靓女唔应该配“肥仔”
但阿moon自己却表示
搭档阿Bob好开心
听讲两人更会有
大尺度嘅激情戏份哦
……
所以大家係米应该都期待一下
呢pair新CP会带嚟嘅惊喜咧
~呐~
部戏叫得《美丽战场》
都睇得出係一班女人嘅斗争噶啦
至于嗰啲山聪、小方等等男星
虽然都企晒C位出尽风头
但应该都係为咗
衬托各位女士嘅光彩
到目前嘅剧情
各位男士都未正式出场
只有几个角色
穿插喺女仔嘅“回忆”中一闪而过
企喺海报角落头嘅阿Bob就打趣话
海报咖位应该由右边开始
所以佢先係大C
如果啲男士都係“绿叶”
每个角色可能真係“咁高咁大”
话唔定阿Bob嘅戏份
真係唔会输俾C位嘅山聪&小方
起码依家好多人想睇
佢同阿moon嘅“激情戏”先啦
MORE
今日娱乐看点
张彬彬用粤语表白
“美庄蛋”CP
又sweet sweet营业啦
虞书欣话自己识讲粤语
讲完“我好中意你”之后
张彬彬即刻回咗一句
“我都係啊！”
虽然两人讲粤语都略带口音
但大家都觉得甜到入心
郑伊健唱热血主题曲
郑伊健主演嘅电影
《深宵闪避球》要上线啦
今次佢仲负责埋唱主题曲
《遇怪魔我识得变大个》
Ekin时隔10年再唱电影主题曲
状态都仲好OK哦
李冰冰新疆街头跳舞
李冰冰趁住假期去新疆玩
戴起民族装饰品后
忍唔住喺街头跳舞
将自己对生活的热爱分享出来
资料来源：剧照、海报、微博
编辑：郭玮
审核：曾敏妍
签发：骆苹
*文中图片版权归原作者所有，
如涉及侵权请联系，立即删除
扫描下方二维码订阅
【微店】可乐生活小店
【淘宝】羊晚生活馆
【邮政】中国邮政微邮局
▼
>>>
一次过get可乐报详细内容
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
官方靓仔可乐君（handsomecolor）
