周星驰算死草完整版：周星驰粤语版算死草
周星驰算死草完整版：周星驰粤语版算死草
（陈梦吉想象锡水莲花嘅情景……）
陈梦吉：顺一次先（先实验一次）。顺一次先。阿欢喺隔篱（隔壁）房锡阿仁揸住嗰条猪脷，我就喺呢间房锡（亲，锡一啖：亲一口）阿水莲花条脷。万一追究起上嚟咯噃，阿欢就会自认嘴（亲）咗水莲花。水莲花大巴（耳光）大巴扇阿欢，我再上前撴（重重的放。例：墩系度）多佢两脚。水莲花扑向我怀抱，我即刻安慰佢，承机再灌醉佢。然后我就——杀！哈哈哈——！当今世上桥王之王舍我其谁！之乎者也！哈哈哈——！
镜头转换：（屋内佣人搊住大把行李，吕忍同一女客（兰西）突然喺英国返嚟）
陈梦吉：搞乜咁多行李呀？搬屋呀？
女佣：唔系吖，少奶返咗嚟吖嘛。
陈梦吉（憟憟地）：少奶……。
女佣：系吖，重同个朋友入咗偏厅呀。
女客人：你咁大间house，one chair only？！
吕忍：哦，你系客人嚟架，你坐啦！（女客坐低（坐下），椅脚断咗，俾淋咗一身）
女客人：Oh shit!
吕忍：真系唔好意思呀！你去换衫先嗱。
陈梦吉：喂喂喂，你咪呀你呀。
吕忍：老公！
陈梦吉：唔系你吖。哨牙嗰个呀！（同女客解释）即系呢间房呢……
女客：Ok，你赶。You first!（闩咗间房，陈梦吉俾困喺间里边）
陈梦吉：弊喇（糟了、坏了）。（伸手去塞住墙上便出紧水嘅竉）救命呀！救命呀！救命呀！救命呀！……
（锒锒开始摇，阿欢见到以为到时候嘞）
（阿仁将条猪脷塞入个竉度，阿欢掹咗水喉，见到条猪脷）
陈梦吉：救命呀！救命呀！……
（阿欢掹咗条脷，好惊噉冲出去）
阿欢：哎呀，搞出人命呀！哎吖！死喇！师父！师父呀！死喇！（见到吕忍）
吕忍：阿欢！
阿欢：师母！搞出人命，冇嘢架。水姑娘呀，我畀条脷你，我对你唔住呀，我冇心架（常用词）……
（水莲花出现）
水莲花：对唔住呀，我嚟迟咗。
阿欢：啊！咁猛嘅！鬼吖！（挞低）
女客：What's going on?
吕忍：好混乱。组织唔到。
陈梦吉：救命呀！救命！救命呀！
饭台解释
（饭桌上，几个人安静的围座是桌上。人物：陈梦吉，吕忍，阿仁，阿欢，水莲花，女客人）
陈梦吉：阿吕忍！
吕忍：点呀（怎么了），老公？
陈梦吉：我明明供你到英国读法律，点解霎时间跑返番嚟呢？（表情严肃）
吕忍：畀个惊喜你噉啫！
陈梦吉：哇！好惊喜，食饭喇。
吕忍：话时话嘞（话说回来），正话因乜事干你会俾啲水啡咗出间房嘅？我又见四周围都布置晒咁多机关，唔知你得唔得闲（有没有空）就呢件事干发表一下你嘅个人意见呢？
陈梦吉：得就好得闲！但系就——唔系咁方便讲！
阿欢：哎！师奶，你错怪咗师父嘞，查实师父呀看出徒儿有禽兽嘅欲念，所以布下了天罗地网，好使徒儿有机会呢一亲水姑娘嘅香泽，唔好误会师父呀。之不过师父，至于呢条猪脷（猪舌），你又方唔方便解释一番呢？（扐出条猪脷）
陈梦吉：方便系方便，但系——唔系好得闲！
吕忍：噉咪好咯！就算你得闲讲，我哋都未必得闲听！
陈梦吉：（放低碗，深呼吸一啖）欢！条猪脷你舐过咧？
阿欢：有舐过！
陈梦吉：系喇，就系买嚟畀你舐架！
阿欢：（盯）师父！你当初同我讲话舐水姑娘条脷架噃？
陈梦吉：查实水姑娘条脷就我想舐，嗰条猪脷嗌嚟俾你舐，我跣（陷害、骗）你，标你松柴（抢你重要的东西），过你一戙（竖起来），点吖？（咬牙切齿）怕乜讲呀？怕乜讲呀？天口翳焗（闷热），生活又枯燥，搞少少把戏嚟调剂一下，噉得唔得？
吕忍：噉咪得啰！
陈梦吉：得咪就得啰！
（阿欢睥住陈梦吉）
陈梦吉：啋（排斥、抵触）过你呀！睥到咁拫？（拍拍阿欢的肩膀）以我同你嘅交情，点都留返过你嘴嘅，嗱你问吓佢吖！（手指向水莲花）
水莲花：告辞嘞！陈梦吉，既然你有妇之夫嘞，你做咩重约我返嚟食饭吖？我会误会架，你有冇谂过我嘅感受呀？有才华唔系大晒（凌驾、摆架子）架。（讲完走咗去，阿欢追出去）
阿欢：嗨！水姑娘！
女客人：Very simple! 佢就暗恋佢，佢就跣佢，佢又想嘴（亲，名词当动词用）佢，你就嬲佢。
陈梦吉：（睥住女客）我想钟你（用重物打击）添！
小房大师注释
